Whitney抱起疑似Mia女 想挑機?

Whitney抱起疑似Mia女 想挑機?

By:

星期一, 九月 16th, 2013

媽模陳靜儀(Mia)早前同前夫莊家傑隔空互數,最後因前奶奶親撰文撐Mia,事件先至平息——表面上係。當日兩人罵戰,一對無辜仔女亦被捲入其中,女嘅話男方一直冇俾錢養兩個小朋友,男方就話Mia將仔女 就咁擺低俾前奶奶就算。總之,兩個小朋友無端被捲入烽煙中,也真無奈。

之前Mia話,前夫同《求愛大作戰》嘅盛女Whitney已經搬走咗,冇再再同前奶奶同住,Mia都話想搵多啲錢,物色地方同仔女一齊住。但今早Whitney竟然貼咗張疑起抱起Mia囡囡嘅相,話係「疑似」,係因為囡囡個樣俾哈哈笑公仔遮住咗,Whitney仲話自己係「大力Whit」添。就咁睇相,囡囡好似好黐Whitney咁,成隻可愛小樹熊攬到實。

Mia擺到明就係唔妥Whitney,而且Whitney噚日仲晒床照話自己病咗,驚唔驚傳染俾小朋友0架?未知Mia見到呢張挑機相,會否又搵前奶奶出手?


comments