醜瘦平野蠻女友喪摑智障奴隸獸 第17次驚動警察

醜瘦平野蠻女友喪摑智障奴隸獸 第17次驚動警察

By:

星期日, 十月 6th, 2013


「咁大個女朋友棟响度你叫女仔上你屋企?」少女一邊連番質問,一邊扯着跪地男友頭髮、當街當巷連環掌摑男友,而男友跪在女友面前嚎哭任摑。不論男友如何歇斯底里高呼受屈,圍觀的途人亦加入勸止,女方仍未見軟化,繼續手起掌落。這齣前日下午在土瓜灣上演的街頭鬧劇,過程被途人拍下,短片上載至YouTube後迅即在網絡瘋傳,引發全城熱論。途人不值該女子所為,遂報警將她拘捕,男主角則臉頰紅腫須送院驗傷。
這段名為《【奴隸獸】傻的嗎港男跪地 挨港女「女友」巴掌》的短片,於前晚上傳至短片分享網站YouTube,之後極速在多個facebook專頁及各大網上討論區廣傳,單在YouTube至昨晚十一時已有超過十三萬次點擊。
第17度驚動警察
途人咬牙切齒報警拉人 惡女扯髮狂摑跪地男友
短片攝於前日下午約五時十分,地點是馬頭角新碼頭街翔龍灣廣場外。雖然片長僅約五分半鐘,但其中一名報警的女途人昨對本報說,其實事件擾攘了約半小時,現場一度有逾百人圍觀,警員到場時,她更聽到有警員說:「又係你兩個?上次已經第十六次喇喎!」估計這對「癡男怨女」的轇轕已多次驚動警方。
片中三名主角,包括全程跪地的男子及站在他前方摑他的女朋友,旁邊站着的女孩相信是兩人的共同朋友。女友甫開始就質問男友「你帶人上你屋企做咩?」隨即舉起手摑向男友左面,男友激動嚎哭解釋「我頭先都同佢講唔好上嚟」,但女友咄咄逼人:「你係咪當我冇到?」左手執緊男友前額頭髮問「係咪呀?」右手則連摑男友三巴。
帶女友人返家惹禍
途人咬牙切齒報警拉人 惡女扯髮狂摑跪地男友
男友縱哭道「我冇呀!佢話佢問咗你o架!」女方又摑一巴:「成個女朋友响度,帶個女仔返屋企!」男方無奈向身旁少女喝道「你出下聲好冇(唔好)!」又慘叫「點解要屈我!」更解釋「佢响你面前講話得唔得,你自己話得!」但女友未息怒,伸手推他的頭兩次,未幾又摑一巴,續問「我同意你帶女仔返屋企係咪?」甚至轉向圍觀者「話我叫個女仔上佢屋企呀!」該名女性友人全程站在一旁未多作聲,只頻頻伸手拉女主角衫袖似想叫停,卻未被理會。
後來圍觀途人紛紛聲援男方「唔好要條女啦!」、「你阿媽都唔會咁對你」、「打咗十幾巴仲唔夠?捱多十幾巴呀諗住」、「使唔使跪埋玻璃」,更有人稱「偷情都應該啦!衰到咁」、「點樣都唔應該响條街打人!」有途人上前勸交,但反被女方指「你哋個個旁觀見到啫,佢點對我你哋唔知」、「唔關你事」。
女被捕男面腫送院
據知警方就此事接獲多人報警,據目擊全程的一名報案女途人昨憶述,從兩人對話,估計兩人同居,男友帶女性友人回家等女友收工,並堅稱「冇發生咩事」,但女友不信,因而出事。她又說,當時圍觀的包括大批內地旅客,她不值女方所為報警。警方昨證實,前日接報指翔龍灣廣場對開有男女疑因感情問題爭執,警方拘捕一名涉嫌襲擊的二十歲少女鄭×娜,二十三歲姓趙男受害人左臉紅腫,送伊利沙伯醫院檢驗,案件交九龍城警區刑事調查七隊。

comments