JC谷爆警鐘胸 化身性感夏娃 趙勁皓唔敢亂郁

JC谷爆警鐘胸 化身性感夏娃 趙勁皓唔敢亂郁

By:

星期三, 九月 25th, 2013

警鐘模Jessica C.(JC)及A&F型男趙勁皓(King),今日為舞台劇《伊甸》拍攝硬照,JC化身「夏娃」,而King就以「阿當」造型示人,兩個都好性感,JC仲力谷「警鐘胸」。而半裸上陣狂晒肌嘅King,亦因為下身衣物「危危乎」而唔敢亂郁,以免走光。

佢哋接受訪問時話今次係首度演出舞台劇,心情好緊張,問JC劇中會唔會激情演出?佢笑言:「到時情感到應該會有。」

JC又話平日也會性感出席活動,但今次係首次性感作現場演出,尤其要喺同樣性感嘅阿King面前,感覺有少少赤裸。

King喺JC身邊受訪不停標汗,佢話:「因為要一路谷住(腹肌)講嘢。」King又表示JC好性感,自己要額外定力,驚唔驚有生理反應?佢話:「咁又唔怕,之前同師姐(周秀娜)拍親熱都冇反應!」

comments