Eason帶女遊園賀牛一 俾強國網民話打尖

Eason帶女遊園賀牛一 俾強國網民話打尖

By:

星期日, 十月 6th, 2013

噚日10月4號,係陳奕迅(Eason)同徐濠縈嘅寶貝女康堤嘅9歲生日,小朋友生日最好緊係去啲充滿住童話嘅地方到慶祝啦,所以佢哋一家三口,就同埋朋友一齊去到迪士尼樂園都王玩返日,等寶貝女有個開心嘅生日。

今日阿徐都有貼相上微博,但都見唔到陳氏一家三口個樣,最多只係得康堤個背脊。呢啲集郵功夫,都係由網民代勞啦。大家都知,喺迪迪尼冇嘢多,內地遊客最多。一上微博,陳家迪迪尼之旅,已全部「被留影」。

首先大家可以見到Eason由幾個導遊姐姐帶佢哋周圍去玩,其中一個導遊姐姐仲顯得非常開心,九成係因為可以帶Eason啦;及後導遊姐姐唔知講咗啲咩,搞到Eason要隻手掩住個口,非常搞鬼。之後Eason就唔知去咗邊,剩係見到導遊姐姐好耐心咁同康堤講解,康堤仲聽得好留心。

跟住Eason同阿徐兩個去咗玩機動遊戲,Eason果然係一個超級巨星,喺佢坐喺機動遊戲上面嘅時候,係附近排隊嘅遊客拎晒啲相機手機咁影;去玩另一個機動遊戲時,Eason仲畀人圍住影相0添。到佢坐咗上去機動遊戲後,就有個遊客影低咗Eason風采,仲係微博貼圖話:「看看黑炭公主遇到誰啦,陳奕迅Eason耶,迪士尼之旅表示值回票價啦,就不在意他插隊啦!」不過亦有網民留言批評:「插隊啦,沒禮貌了!」、「多大了還插隊!」

其實Eason唔係插隊,只係因為佢有專人帶住佢哋一家去玩,係唔使排隊。講真,如果Eason要排隊的話,你估中間有幾多人同佢影相,到時條隊一定塞死晒。

最後佢哋仲睇埋煙花先走,之後阿徐就喺微博到話:「謝謝香港迪士尼的安排和驚喜,令小女兒如願和家人及朋友們渡過開心的生日!」睇嚟康堤今年有一個好開心嘅9歲生日。

comments