D奶許亦妮搭上有米高層 豪乳/語:我哋嘅友誼唔涉及工作

D奶許亦妮搭上有米高層 豪乳/語:我哋嘅友誼唔涉及工作

By:

星期六, 十月 19th, 2013

許亦妮(Whitney)噚晚同莊思敏一齊到中環出席香檳活動,提起其太陽集團有米高層男友盧啟邦(Andrew),許亦妮即甜絲絲。問男友有冇提供多些電影工作機會?許亦妮謂:「我哋嘅友誼唔涉及工作。」

最近許亦妮唔見咗手機,問到有否存放大量親密照?佢笑道:「部紅色iphone買咗成年啱啱先用,全新未有放相,我都唔開心呀,另一部就放咗好多相。」

許亦妮被踢爆喺fb暴露同Andrew拍拖行蹤,佢即大發嬌嗲謂:「哎吔,冇呀!我點拍拖啫,成班人去旅行,總之我哋係好好傾朋友,佢社會經驗比我富豐,年紀比我大。」返屋企見家長?許亦妮話:「家姐屋企,fb成日tag人,我都可以話同你哋一齊。」

另莊思敏穿開胸裙搶鏡,佢謙稱自己0依家年紀大,唔能夠好似後生嗰陣飲咁多:「飲完酒傾偈有mood啲,會飲後吐真言。以前試過有男友飲醉後示愛,當佢講笑。」

comments