E Cup Baby宣佈嫁人 風騷晒婚戒

E Cup Baby宣佈嫁人 風騷晒婚戒

By:

星期二, 十月 22nd, 2013

有E Cup Baby之稱嘅0靚模劉欣宜,當年憑住34E導彈身材成功彈出,惟近年E Cup Baby已封胸,並淡出幕前,而佢同音樂人男友陳子敏拍拖三年,感情穩固。

今午E Cup Baby喺微博透露將「人生要踏進新里程」,即係宣佈嫁人咯﹗E Cup Baby話:「感謝大家一直以來對我的關心和照顧,很高興今天可以與大家分享一件開心事:我已找到我生命中的另一半﹗」

佢又話:「心情忐忑,畢竟這意味着我的人生要踏進新里程,必須卸下以往的幼稚任性,我再不是,我而是『我們』。承擔與責任,將是我們畢生需要學習和實踐的課題。想說的話有太多….千言萬語盡在不言中….再一次衷心感謝各界朋友,我的家人,與子敏一起籌備驚喜的朋友及youtubers,感謝你們一同見證着這個重要時刻﹗」

E Cup Baby又貼咗兩張相,原來男友喺戲院向佢求婚,相中E Cup Baby大騷婚戒及捧住大紮玫瑰,令佢既興奮又感動。而李蘊亦有留言恭喜劉欣宜。

恭喜晒﹗

comments