AD2用「神油」升胸 乳暈大,又露暈

AD2用「神油」升胸 乳暈大,又露暈

By:

星期日, 九月 22nd, 2013


0靚組合AD2噚晚喺尖沙嘴一間酒吧打碟,順道慶祝成員Aily 20歲生日。問佢哋有乜嘢生日願望,擁有36F嘅Aily竟然話:「我哋嘅生日願望就係胸部可以升到G Cup……G Cup唔夠,太細喇,H cup啦!」仲話希望每年生日升一個cup,咁升升吓,咪升到 ∞???

拍檔Amy真係夠朋友喇,送咗支按摩油俾佢,話係獨家研製,出面冇得賣。查實又係出面買自己加張label之嘛!Amy仲即場同Aily互相按胸,又搓乳示範升cup秘技。Aily話:「生日願望係升到G-Cup,細個時B,初中C,高中就D,只要早午晚三次,每次反覆按十下就見效。」
Aily問Amy會唔會推推吓推咗乳暈出「界」?Amy話:「唔好,只係你嘅乳暈太大。」人家上次露暈已經好陰功0架喇,你仲寸人乳暈大,係咪姊妹嚟0架?結果又開口中,Aily真係又露暈。

其他人都有送禮物0架,好似冬甩成員Hannah、綠魔Karl等,分別送T-Back內褲、乳貼做禮物。咦,乳貼?上次寸爆你哋嗰個黃榕姨姨,冇送畀你咩?

comments