689見菲總統笑騎騎 歐錦棠: 令人作嘔

689見菲總統笑騎騎 歐錦棠: 令人作嘔

By:

星期三, 十月 9th, 2013

噚日689梁振英喺印尼現身亞太經合組織(APEC)領導人峯會,菲律賓人質事件沉冤未雪,但梁振英竟然同菲律賓總統阿奎諾三世開會前鬼咁好傾,全程笑騎騎,仲不時托腮,真係睇到香港人眼火爆。

噚日歐錦棠見到香港記者問人質事件被逐離場,已經鬧過特區政府廢柴,估唔到今日都係要鬧多次,不過見到梁振英個款,邊個唔想鬧佢?不過歐錦棠就鬧得特別有心思,成段押晒韻:

「男人最緊要是知道軟硬適宜,太軟是無能、一味靠硬乞人憎、半軟不硬令人氣憤,箇中高手定必剛中帶柔綿裡藏針,但做到咁冇幾多人。但千祈千祈唔好突然上身,學人玉手輕托、煙視媚行,睇見令人作嘔頭暈。

見微見著,一葉知秋,一個表情就睇穿佢為人。」

香港人面對呢個政府,唔苦中作樂都唔知可以做乜。

comments