47歲朱麗倩再陀B 老爺開腔:係好開心

47歲朱麗倩再陀B 老爺開腔:係好開心

By:

星期五, 十月 4th, 2013

今日有雜誌報道指52歲嘅劉德華再做老竇,其47歲愛妻朱麗倩已懷有三個月身孕,且已照過超聲波,知道今胎係仔,正好同一歲零五個月嘅囡囡劉向蕙湊成一個「好」字。

華仔官網至今仍未就傳聞回應,不過報道中就話,華仔知道愛妻再次成功懷孕後,喜不自勝,馬上告之雙親,劉父知道今胎係仔當然更加高興,有指劉父朝早嘆茶嗰陣,更忍唔住同茶腳分享喜悅。記者索性上茶樓向劉父道賀,直言:「恭喜劉生,恭喜你又做爺爺喇!」劉父就笑晒咁話:「係好開心!」記者即打蛇隨棍上話出年可以擺滿月酒喇喎,劉父就繼續笑咪咪唔答,但同枱劉父嘅朋友即笑住代答:「咁叻嘅你哋嘅消息!」之後劉父對所有問題一律以笑代答,更忍不住「哈哈哈」朗聲大笑,心情極佳,莫非真係家有喜事?

comments