36G臭口Barbie 跪地做人肉凳俾Jeana坐

36G臭口Barbie 跪地做人肉凳俾Jeana坐

By:

星期五, 九月 20th, 2013



電影《喜愛夜蒲3》冇咗陳靜(DaDa)撐場,不過就俾「臭口Barbie」夏尉喻成功以「神奇G奶」彈出。

噚日朝早Barbie喺中環一間樓上酒吧拍攝一場o靚模比賽戲,做評判嘅何佩瑜(Jeana)以黑皮Tube Dress谷胸現身,現場又有一班o靚模著上泳衣行來行去,場面香艷。

最搶鏡都係36G奶身材嘅Barbie,佢著咗件明顯細咗成個碼嘅泳衣,上下波邊齊露。為吸引龍友影相,Barbie不惜拗腰、趴地、除泳衣top、兼做出倒吊瞓疏化等難度動作,不過其胸部仍然圪立不倒,蔚為奇觀。

而Jeana為咗侮辱Barbie,要佢跪地坐喺佢背脊上面,Barbie話﹕「呢場唔算辛苦,之後仲要同Jeana大打出手,之前做Model時都遇過啲勾心鬥角事,但無戲中咁激。」

Jeana就擔心電影出街之後,人人覺得佢係衰人﹕「大家都係女仔,坐落去都會就住。」佢透露近日拍戲衣著太少,早前拍遊船河戲時帶病演出﹕「醫生開錯藥搞到成身腫晒,要打三支針先消腫。」佢仲自爆同林德信有一場水底激吻戲,佢話﹕「之前係海底拍咗,但可能水太濁要補拍。」

comments