Mika「不慎」走光 Diva心口有條疤

Mika「不慎」走光 Diva心口有條疤

By:

星期六, 十月 12th, 2013



幾乎隔個禮拜,甚至每個禮拜,都有不知名0靚模喺旺角賣性感推產品。今日就有低胸短裙蕭美卡(Mika)同許珮榆(Diva)賣電話。低胸短裙咁性感自然會引嚟好多人過嚟影相,唔少人用盡方搵最靚嘅角度去影佢哋0添,咁都啱嘅,咁性感自然多人幫佢哋留倩影。

下星期就開始轉涼,但係秋風起0靚模未必死,Mika同Diva就話冬天仍然會繼續行性感,Mika話:「會keep住性感示人,冬天都唔怕,冬天都可以性感,雖然怕凍,但係都冇辦法。」怕凍咁又怕唔怕走光呢?皆因Mika喺落車嘅時候就唔小心走咗光喇,旺角咁多人,Mika要小心啲啊!

Diva胸前面就有條疤痕,同前晚寸嘴Barbie夏尉喻腋下嗰條疤有得揮。寸嘴Barbie就解釋話係之前心肌炎做過手術,咁Diva又點拆呢個「彈」呢?佢竟然好似冇咩所謂咁,not big deal!不過Mika就提議Diva露上唔露下——原來係指件衫,意思係,叫佢露北半球好喇,南半球有疤,唔好露喇。Mika解釋:「我意思係你唔好著咁『胸』,咪見唔到你條疤囉!」

comments