36歲田蕊妮生日報喜: 家中多了位新成員

36歲田蕊妮生日報喜: 家中多了位新成員

By:

星期日, 九月 29th, 2013

噚日係田蕊妮36歲生日,老公杜汶澤當然有所表示啦,佢約埋班老友齊齊為老婆慶生,認真Happy﹗呢排阿澤為拍戲越喼越弗,搣走肥膏變身「肌佬」,令唔少男士羨慕不已。田蕊妮今日凌晨喺微博貼咗幾張慶生相,當中有張佢捧住蛋糕,望住老公個弗爆身形,都忍唔住O嘴:「我老公條事業線…..巧勁﹗」真係不枉阿澤呢半年幾以來日操夜操,0依家連老婆都讚嘆,幾辛苦都抵返晒啦﹗

另外,阿田又喺微博宣佈喜訊:「今年的生日,家中多了位新成員!好開心呀! 」咦咦咦﹗多咗位「新成員」?唔通………..
噢,大家諗多咗,其實阿田所講嘅「新成員」,其實係佢哋養咗一段時間嘅小貓咪Momo,好得意呢﹗阿田又感性地話:「三十六歲的我,今年的生日讓我明白到人生並不是完美的!學懂珍惜現在的一切!常存感恩的心!」

至於老公阿澤亦喺facebook發表愛的宣言:「我的太太,昨天已經到了三十六歲。她十八歲的生日會我亦在場。看著她成長原來是多麼快樂的一件事。希望一直在她身邊,看她變成老太太,一同細味人生中的甜酸苦辣,生老病死。。。」認真幸福﹗唔少網民都希望佢哋快啲生返個「小田」或「小澤」。

另外,噚晚先同老婆慶生嘅阿澤,今日已經坐早機飛去台灣,佢話:「平時去北美洲都會在台北轉夜機。今次決定早點飛台北玩半天,反正價錢一樣,必需偷取休閒時間的機會!」

到咗台北後,阿澤就先去品嚐當地「洪瑞珍」三文治,然後再探望朋友,到晚上就去嘆牛扒,認真充實,相信阿澤品嚐完美食後,會繼續加大力度做gym嘅﹗

comments