33歲吳尊宣佈做老竇

33歲吳尊宣佈做老竇

By:

星期三, 十月 2nd, 2013

現年33歲嘅靚仔吳尊,一直傳佢早已結婚,更加有一個女,不過佢就一直唔肯認。

但今日吳尊就突然喺自己嘅官方粉絲Blog上面,打咗一篇叫做「決定勇敢」嘅文自爆,話自己其實已經結咗婚,更加已經喺一個幸福爸爸!佢透露老婆係佢初戀情人,16歲開始已經喺佢身邊,到依家已經18個年頭,佢寫住:「她從我16歲開始陪伴在我身邊一直到現在已經有18年多了,她也是我的初戀女友。這麼多年來,她陪我度過人生中無數的高低起伏, 從我澳洲的求學生活、到我母親的去世、我最好的朋友的離開以及我在汶萊的生意打理,一直到現在,她一直都在我身後鼓勵支持著我。」

吳尊又話其實初入行都有將老婆介紹俾朋友認識,不過當佢愈來愈紅,佢老婆自己表示唔想曝露二人嘅關係,因為佢本身好低調,亦唔識應付傳媒。

究竟點解吳尊會突然間承認呢?有人猜測佢最近會出書,亦有人覺得係因為佢同BB俾人影到,所以寧願提前自爆。

comments