170磅肥苟打泰拳踢走肥膏

170磅肥苟打泰拳踢走肥膏

By:

星期四, 十月 3rd, 2013

「肥苟」苟芸慧上個月28號現身新加坡出席TVB活動,一襲露肩黑色晚裝嚇親街坊,皆因佢條水桶腰甚為嚇人,加上塊面好似發水麵包,又現出一雙麒麟臂,有報道仲話佢體重爆脹到成170磅,拍得住欣宜。

其實肥苟一直都減緊肥,不過唔知係咪亂食藥,搞到體重仲反彈,愈來愈脹,再係咁落去都唔係辦法,上個月其實肥苟已經轉向做運動減肥,俾人影到去一間拳館練拳,當日佢同好友朱慧敏及陳嘉桓一齊去打拳。苟姑娘當日包到實一實,似乎唔知比人睇到佢嘅吹脹身材,做熱身運動時,苟姑娘做咗一陣踢腿已經大汗疊細汗,再做多幾下壓腿已經要去場邊飲水抖下。

不過事後苟姑娘被問到去學泰拳減肥,佢就堅持唔係為減肥,話最大目的係減壓:「唔好成日手人提個『肥』字啦,咁你做多啲運動,出得多汗人自然slim啲啦。」

comments