鵬菲離婚因為苗圃做小三

鵬菲離婚因為苗圃做小三

By:

星期四, 九月 19th, 2013

羅霖、謝雪心同張苡澂噚晚喺九展出席國際太太選舉活動,最近內地女星苗圃傳介入李亞鵬同王菲之間,認識苗圃嘅張苡澂表示冇過問是否屬實,佢話﹕「呢排好少聯絡,冇問,覺得唔關佢事。」

粵劇名伶林錦棠因為心臟病逝世,曾同棠哥合作嘅謝雪心感婉惜,佢話﹕「以前我哋同南鳳都有合作,聽佢死訊覺得好唔舒服,之前無病無痛,年紀又咁輕。」佢表示未有聯絡對方家人,但相信八和會館會設立治喪委員會,希望棠哥在天之靈能保佑佢嘅家人。

而羅霖雖然離婚,但仍自覺能勝任做國際太太選舉評判,問生仔之後身材仲可以保養得咁fit,係咪俾前夫激瘦?佢就講笑話﹕「畀小朋友激親,以前做空姐食兩碗飯都唔飽,醫生話我條腸生得比普通人短,難吸收。」

comments