高俊文爆俾阿姐鬧完即失角色 汪明荃:我邊有呢個權!

高俊文爆俾阿姐鬧完即失角色 汪明荃:我邊有呢個權!

By:

星期日, 十月 27th, 2013


汪明荃同多名粵劇名伶今日喺鑽石山出席粵曲活動,對於各界都支持香港電視,阿姐話:「我覺得需要多啲台,好多人覺得有王維基就有更多機會、環境、酬金,無綫應吸納呢啲訊息。」講到劉德華拍片支持港視,仲被市民捧做特首,阿姐以唔清楚為由,拒評論事件:「我自己就唔會拍片。」

講到前無綫藝員高俊文自稱當年同阿姐拍無綫劇集《我的野蠻奶奶》,佢當日飾演皇帝,首日開工就因為NG俾阿姐鬧,最終仲失去該角色,問到係咪有件咁嘅事?阿姐話:「我又唔係導演,邊有呢個權!咁耐以前嘅事亦唔記得。」問到有冇試過影響人生計畫?佢話:「嘩!咁講好嚴重喎,角色冇咗係導演安排!我只係演員,最多咪叫我一聲阿姐,冇叫過人唔好用佢。」對於曾志偉辭任演藝人協會,阿姐覺得可惜,又認為志偉為人太直,做組織活動會更適合。

comments