騎呢到爆 亞洲先生晒乳溝 大晒格甩底

騎呢到爆 亞洲先生晒乳溝 大晒格甩底

By:

星期六, 十月 19th, 2013


《ATV2013亞洲先生選舉》18位候選亞洲先生今日就同傳媒見面,大會安排佢哋上台抽號碼牌,做自我介紹同擺甫士影相。

今年嘅亞洲先生比起上年正常好多,著住非常花俏嘅花花恤衫加一條白色褲,完全冇半祼泳褲嘅情況出現。不過擺嘅甫士一定有啲係特別啲。好似當中年紀最細,只有17歲嚟自香港嘅17號李大衛就成個運動員上身咁,舉起單手緊握拳頭,唔講嘅話會以為佢係嚟參加學校運動會。

之後同樣係嚟自香港嘅13號楊志仁,行出嚟嘅時候正正常常,仲擺到好似成個模特兒咁嘅甫士,但之後佢一鞠躬就十分十女模特兒露出條事業線,冇錯,男人都可以有事業線。

另外嚟自廣州嘅9號趙之健同埋嚟自北京嘅2號喬冠文,佢兩個嘅甫士十分之女性化,如果佢哋係女人的話,可以去影寫真集,真係好有嗰種性感嘅味道。但係都有個非常有男人味,嚟自香港3號黃威文擺出打交甫士,男人味十足,但會唔會太惡形惡相呢?

最後嚟自北京嘅6號劉梓豪外型就真係唔係討好,不過勝在表情騎呢唔怕羞,大擺甫士成為甫士王成功搶鏡,佢仲話今日專登戴有色隱形眼鏡令自己對眼有神啲,又話佢咁多表情同甫士唔係刻意去練,自己不時都係咁。唔練都可以咁,練咗咪仲騎呢?睇完堆相,好似個個都雙手放頭做個「棄械投降」嘅甫士,想點先?

comments