馬蹄露常買嘢食 贈公公婆婆

馬蹄露常買嘢食 贈公公婆婆

By:

星期二, 十月 15th, 2013

噚晚唔知大家有冇俾《星夢傳奇》喺FB洗版?除咗俾一班參賽者得獎感受同表演洗版之外,另外有去現場睇,化咗濃妝嘅馬蹄露,無啦啦俾人改圖瘋傳俾網民笑,不過亦有網民挺身為馬蹄露講說話:「雖然佢樣係唔好,但住同一區嘅人都知道,佢成日買嘢食俾街邊啲阿公阿婆,極度好心嘅一個人。」

馬蹄露可能唔靚,不過心哋好有公義之心係肯定嘅,去年年尾政府一意孤行將大埔龍尾嘅泥灘變成人工沙灘,附近有豪宅要起嘛….當時好多環保團體都企出嚟阻止呢件事,住喺大埔嘅馬蹄露就挺身而出上台講咗一番肺腑之言,龍尾有好多有生態價值嘅生物,有啲仲係瀕危物種,馬蹄露話要人搬屋就已經好難搞,何況係要動物搬屋,簡直係傻的嗎!

comments