雞排妹鬧爆馬英九 被指背後受操控

雞排妹鬧爆馬英九 被指背後受操控

By:

星期日, 十月 6th, 2013


通常名人Facebook都係貼啲相咁,特別係啲又性感又靚嘅女仔,FB就梗係要貼好多相啦,但係台灣嘅性感女星雞排妹Ili(鄭家純)嘅FB就唔只係得啲性感相,因為佢經常都會講政治,有時仲會將政治同性感合埋一齊0添。好似前日晚雞排妹就貼咗張圍咗一條「官逼民反」毛巾去遮住上半身嘅性感照,出席活動,更高呼「總統失控、官逼民反」砲轟政府,頓成報道焦點,但就俾吳宗憲話佢「胸大無腦」。

雞排妹講政治唔係第一次,亦唔會係最後一次。如果話微博有伊能靜為社會不公義發聲,咁facebook就係由雞排妹做炮手轟政府失政。不過,因為次次雞排妹出po,講嘅嘢真係有紋有路有理據,即使有網民登門回應,無論批評定贊同,雞排妹間中都會回覆,而且講得頭頭是道,絕非一句:「嘩!使唔使呀!」就打發人走,難怪今日有台灣傳媒質疑,雞排妹「背後有人」——成team行銷團隊,利用炒新聞去搵錢咁話,更指透過FB出po開發社運市場。有網民仲話:「雞排妹學歷只有士林高商,你要我相信她粉絲頁上那麼多的時事議題都是出自她手?根本不可能。」

當然有人反就會有人支持,有支持嘅聲音就話:「至少她用她些微的知名度讓原本不關心的人關心了(社會議題)。而你,還在用學歷狗眼看人低。」

雞排妹都有留意呢段報道,近黃昏時份,即於FB列點回應道:

「對於這位網友的指控:我故意滲入社運市場,然後取得利潤,我來說明一下:
1.我接受採訪及駐站寫文章都是沒有薪水的。
2.我說出台灣是台灣中國是中國,在中國會賺更多錢?
3.我批評法務部長不適任,政府會請我去代言活動?
4.我呼籲大家投書世大運主辦,台灣有些人是瘋子要砍那麼多樹選手村,我的價碼會上漲???
還有,如果請行銷團隊能造成一個人常常上新聞跟雅虎首頁,YT台灣手機版總點閱第二名,那請你告訴我那間行銷公司是哪間?」句句快狠準,雞排妹文筆,絕不在伊能靜之下,而且思路清晰。是否由他人代筆,則只有佢本人先至知。有網民支持道:「雞排妹和我們一樣,都是台灣的公民,作為一位公民,豈有不能給社會意見的道理,這是再自然不過的權利,誰都不能剝奪,為何要預設只有菁英才能發聲?」講得好!

至於俾吳宗憲話當眾話佢胸大無腦,雞排妹都有喺FB回應謂:「今天是正在拍攝的戲劇《光環之后》的記者會,我穿著李明川老師設計的可愛內衣~~~憲哥那樣說是怕我惹事,很疼我啦!」

comments