陳浩民女兒出院返家玩燈籠

陳浩民女兒出院返家玩燈籠

By:

星期一, 九月 16th, 2013

現年45歲嘅陳浩民,今年將做第二任老竇,佢嘅內地老婆蔣麗莎(Lisa)幫佢生咗個囡囡陳雅薷之後,又幫佢陀住個囝囝,加起嚟可以湊成個好字。不過日前佢個女雅薷突然全身抽筋兼翻白眼,面部﹑嘴唇及全身紫色,要立即送院急救,幸最後情況穩定。

經過治療後,Lisa今晚再更新微博,佢貼咗張相囡囡出院相,雅薷左手雖然仍包住紗布,但右手已急不及待要就玩燈籠,樣子尚算精靈,Lisa話:「寶貝@Elizabeth雅薷,這次很堅強很勇敢﹗謝謝所有人的關心和祝福﹗陳浩民benny放心!我們已經開心回家了。」相信陳浩民都可以放下心頭大石。

comments