陀B五個月 陳茵媺微博報喜 生咗喇!

陀B五個月 陳茵媺微博報喜 生咗喇!

By:

星期日, 九月 22nd, 2013

前陳豪去灣仔出席活動時,雖然唔肯講老婆仔陳茵媺(Aimee)幾時返港,但據知會係喺中秋節前後,或月底返港。

今早凌晨5點09分,Aimee更新微博,寫道:「大家好!我喺家中,中秋節出世的小狗叫"sweetie"! 想同大家講Happy belated mid-autumn festival, 祝大家中秋節快樂!」原來係報喜呀!相中Aimee得十分一個樣俾大家睇,成張相都俾伸脷狗狗搶晒鏡。

因為Aimee話「我喺家中」,網民即紛紛留言問佢係咪已經返港,但Aimee未有回應。陳法蓉就留言謂:「Take care my dear~ Happy belated mid-autumn festival」再加個心心公仔;郭少芸都留言祝福。有心水清網民睇到Aimee發博時間係凌晨五點幾,就好肯定話靚媽仍身在加國,一來係有時差(相中仲有日光,而且今日先至講中秋節快樂),且冇理由Aimee失驚無神咁早起身玩狗狗0架嘛。咁啱依家遇著打風,為安全計,可能Aimee真係要等到月底先返喇。

不過亦有網民留言話孕婦不宜接觸小動物。其實只要動物健康,孕媽媽同BB都可以同貓貓狗狗相處0架,如有需要可向醫生請教,請勿因為咁樣而遺棄佢哋呀!

comments