金剛蕊蕊拍拖上《獎門人》 錫到出面

金剛蕊蕊拍拖上《獎門人》 錫到出面

By:

星期五, 九月 20th, 2013

金剛同陳蕊蕊近日拍拖係人都知,噚晚金剛喺將軍澳電視廣播城錄影《超級無敵獎門人終極篇》,陳蕊蕊做嘉賓,男女主角大方合照,記者叫佢哋黐埋啲親密啲,金剛搞笑指:「我個波已經頂到佢手臂喎。」

玩遊戲時金剛擺明錫住蕊蕊,當玩「超級無敵翻翻翻」要坐上櫈翻起,因為蕊蕊着短褲會走光,金剛即同志偉咬耳仔,志偉跟住就叫蕊蕊唔使玩由金剛頂上,真係鍚蕊蕊鍚到出晒面。金剛同蕊蕊一齊做嘢表現風騷係咁搞笑:「細個似郭富城,五官同髮型似。」仲跳城城啲舞,志偉睇到忍唔住話:「頂你個肺。」金剛又拉蕊蕊去志偉度話:「叫阿爸呀。」搞到蕊蕊不知幾尷尬。

comments