過度PS?阿Sa、薛凱琪全裸上陣 Fiona條頸唔見咗

過度PS?阿Sa、薛凱琪全裸上陣 Fiona條頸唔見咗

By:

星期二, 十月 15th, 2013



杜汶澤為飾演電影《豪情2》中AV男優,努力操弗,身形極弗仲露出人魚線,頻頻更赤膊騷肌,早前仲同好友蔡卓妍(阿Sa)及薛凱琪(Fiona)齊齊裸體為本月18號嘅「反奴役日」拍攝廣告,希望讓全球關注奴役問題。

照片由著名攝影師夏永康操刀,阿Sa、Fiona同阿澤均赤裸上陣,大家只是用寫着標語嘅紙牌如「正視人口販賣」、「重新審視,反思所買」同「拒絕奴隸制度」嚟遮蓋重要部位。當中兩女更露出香肩與長腿,同阿澤嘅弗爆身形各有各靚。但就有人話覺得三張圖都PS得好緊要,特別係Fiona出名係長頸鹿,不過張相出到嚟,竟然唔見咗條頸?

如果大家想知更多詳情,可以出席本周五假香港大學賽馬會教學樓舉行嘅「反奴役展覽開幕禮」,欣賞由Liberty Asia及港大合作舉辦嘅互動展。展覽將奴隸制度下多個倖存者嘅真實故事呈現出嚟,亦會介紹反奴役嘅改革資料。屆時杜汶澤都會出席。至於呢輯由阿Sa同阿澤、Fiona影嘅反奴役宣傳相,屆時都會展出。

comments