辭去演藝人協會會長一職 曾志偉:想以個人身份發表意見

辭去演藝人協會會長一職 曾志偉:想以個人身份發表意見

By:

星期三, 十月 23rd, 2013

前晚傳媒人蕭若元喺香港網台節目,踢爆演藝人協會會長曾志偉,曾經致電吳思遠,指不准以電影工業總會名義參與遊行,因為演藝人協會及電影美術學會皆不贊成,更斥責吳思遠嘅行徑會搞亂香港。

今日曾志偉就開記招,否認「電影美術學會」係自己「馬仔」,不過事件上佢表現不完美,表明會辭去演藝人協會會長一職,佢話職務暫時由秘書處去頂替。問到志偉點解辭職,佢話因為有時想以個人身份去發表意見,唔想孭住演藝人協會名義。

佢話:「我同委員講會辭去會長職務,因為好多消息話點解會長唔出嚟講嘢,好似我代表咗個會,其實個會係必須所有嘢都要會員通過,如果一個人代表個會,承受壓力太大,接落嚟有咩要發表,都係我的人意見,並不代表個會…演藝人協會嘅宗旨係首先不涉政治,只係為藝人謀福利。」

comments