認冧鍾嘉欣想上馬 陳展鵬:抽番出嚟有難度

認冧鍾嘉欣想上馬 陳展鵬:抽番出嚟有難度

By:

星期六, 十月 19th, 2013


陳展鵬同蕭正楠今日為劇集《巨輪》宣傳,接受商台訪問,陳展鵬話呢套劇特別多感情線,佢話:「呢套劇有三個感情線,有場戲同貝安琪嘅親熱戲,Auntie(貝安琪母)教,以為Auntie話唔好錫咁耐,但原來唔係,教佢個女點做,走埋位教。」

日前陳展鵬同鍾嘉欣因為發生一宗交通意外,被爆同車,而鍾事後更落荒而逃。之後即傳言滿天飛,話兩人暗交多時。嘉欣BB已馬上澄清,陳展鵬今日當然亦被問到呢單嘢——不過係問佢同嘉欣BB拍完戲之後,有冇掛住對方。陳展鵬話:「掛住鍾嘉欣?已抽番出嚟,開始明白前輩講『抽番出嚟』嘅辛苦。」

主持人問到拍戲時,係咪需要真係鍾意呢個女仔(即對手),陳展鵬話:「一定要,仲要麻醉自己,呢件事唔係真實,你要當真實。事實佢係好好又好靚嘅女仔,好自然就同自己講去馬,去做呢樣嘢時就全情投入,但抽番出嚟,今次真係有啲難度。」

comments