蕭亞軒唔肯合照 遭20惡漢圍車「軟禁」

蕭亞軒唔肯合照 遭20惡漢圍車「軟禁」

By:

星期二, 九月 24th, 2013

幾日前蔡少芬於內地工作,自發生懷疑被綁架事件,佢幫一間公司出活,第一日唔單止做完活動車佢去另一個商場強迫佢出席另一個活動,第2日間公司直情搵車截停佢去機場架車,十足綁架一樣。

原來台灣歌手蕭亞軒(Elva)上星期六一樣遇到咁恐怖嘅事,有台灣媒體報道,Elva上星期四同男友去北京過中秋節,隔日去湖北出活動,當晚結束之後都有同主辦單位的貴賓同工作人員一一影相留念,不過第2日(21號)一早,就有個女性工作人員去到飯店要求同Elva合照,不過當時Elva啱啱起身冇化妝,拒絕咗佢,咁都好正常啫,該名女子放低一句:「不拍就不拍」,就將Elva原來去機場嘅保姆車撤走。

Elva經理人唯有自己叫車,點知Elva一上車,就有20幾個壯漢圍住架車,不斷咁拍打車窗話:「為什麼不拍照?」當時有人勸Elva落車影相了事,但Elva覺得對方欺人太甚,就係唔肯落車影相。

之後佢同經理人就返房被「軟禁」足足3粒鐘,原來要搭3點飛機走都搭唔到,而Elva就同老友房祖名吐苦水,房祖名就叫老竇成龍出馬幫手,終於喺4點機「脫險」離開酒店。Elva事後表示好感謝成龍父子同活動公司幫忙。

返強國搵食,真係搵命搏呀!

comments