葉玉卿自爆婆媳糾紛: 有人俾我嘅三級片佢睇

葉玉卿自爆婆媳糾紛: 有人俾我嘅三級片佢睇

By:

星期五, 十月 11th, 2013

黎芷珊主持嘅《最佳女主角》,雖然卡士比上次《最佳男主角》弱,所以收視唔及上一集咁好,不過都偶有爆炸性話題,今晚毛舜筠會開口講哥哥張國榮,下星期矚目點就係訪問早前回港拍賀歲片嘅葉玉卿。

依家嘅卿卿係幸福少奶奶,雖然曾爆出富商老公疑似欠債,不過佢依家喺美國依然過住優渥生活。而喺《最佳女主角》入面,卿卿會自爆佢同張立基及伍衛國嘅情史,以及98年嫁去美國之後,同奶奶爆衝突:「喺美國頭一年真係好唔開心,婚後曾經有人將我拍過嘅三級片俾奶奶睇,令奶奶對我有誤會。」今日有報道訪問卿卿,佢話結婚之前,奶奶當住佢面同佢講:「我個仔唔適合你,你哋唔好一齊!」令到卿卿好難受。

卿卿過到美國又適應唔到生活,成日失眠,又改唔到喺香港嘅習慣,好似去Chanel買十幾萬衫返屋企放,純粹發洩,情況持續咗兩年。後來多得好友邱淑貞開解,佢先好返啲。抑鬱咗兩年,卿卿個女出世,佢自同奶奶嘅關係好轉,小朋友成為咗佢哋婆媳之間嘅橋樑,奶奶仲會問佢之前拍戲啲嘢添。

comments