胡杏兒支持發牌: 「隔離台勁嘅,自己都俾都心機啦!」

胡杏兒支持發牌: 「隔離台勁嘅,自己都俾都心機啦!」

By:

星期四, 十月 24th, 2013


唔少藝人都好支持發牌畀香港電視,好似視后胡杏兒咁,今日佢喺電視城出席《衝上雲霄2》慶功宴時,被問到係唔係支持發牌畀香港電視?杏兒就話:「自己係支持發牌,咁樣可以百花齊放,有競爭先會有進步,隔離台勁嘅,自己都俾都心機啦!不過我覺得本地電視台,應該係同其他亞洲電視台去競爭,並唔係同本地電視台爭。」

咁杏兒支持發牌會唔會擔心得罪公司?佢就話:「公司好尊重員工有自己諗法,冇迫我哋。」

講到之前佢喺內地承認有戀情,但拍咗兩月拖就分手,今日佢話:「佢係圈外人,拍拖兩個月覺得唔夾咪分手囉!」

comments