美棋BB感心痛: 希望我哋有緣再見

美棋BB感心痛: 希望我哋有緣再見

By:

星期四, 十月 17th, 2013


由於香港電視未獲發牌,唔少網民怨聲載道,而圈中唔少藝人都紛紛表態,好多人都對結果感驚訝,而唔少港視藝人更為憤怒及失望。

0依家港視不獲發牌,令觀眾無緣欣賞好多精彩製作,睇唔到黃日華﹑唐寧﹑艾威等演出,而唔少宅男其實都想睇嘅黃美棋演出呀,可惜…….

美棋BB噚晚已經喺微博話會放多300%﹑400%心機,將每個工作盡自己能力做好,就算知道條路難行,佢都希望努力做好自己,佢深信希望在明天。

到今晚9時許,美棋再喺微博抒發感受,今次主要係講港視裁員320人,佢話:「公司無奈地炒320人,雖然不捨得及心痛,但係我想多謝幕後的所有同事,上致藝員部、編劇組、導演組、副導演組、製作組、下致梳化服(梳頭化妝服飾)、燈光、收音、攝影、劇務、道具、後期製作等,雖然有些同事還未和我合作過,但多謝您地每一位在過去日子為每套劇盡心盡力!希望我地(哋)有緣再見,在此祝大家生活一切安好! 」

comments