羅鈞滿: 王維基勿將商業失敗跟社會公義拉上關係

羅鈞滿: 王維基勿將商業失敗跟社會公義拉上關係

By:

星期四, 十月 17th, 2013


王維基嘅HKTV噚日不獲政府發免費電視牌,更冇講原因,話要保密,今日HKTV裁員320人,全城鬧爆政府,唔係話一定要發牌俾HKTV,但有咩死因,都應該講明,而家當香港市民係傻仔,俾人話黑箱作業怨得邊個?

而近日俾無綫力捧,喺《星夢傳奇》頻頻出鏡嘅羅鈞滿就「獨排眾議」,今日喺FB話:「作為電視業一員,當然希望電視業百花齊放。但是請王先生勿將自己商業失敗跟社會公義拉上關係。」之後又話:「王維基先生絕對不負責任和應負全責。」

社會公義係乜?就係公平競爭,人人有機會可以發圍,依家咁樣,個環境真係公平?所以有好多網民都喺FB反駁佢,未知羅鈞滿對於「公平競爭」有咩獨特解釋?

羅鈞滿剛剛再回應話:「我只係針對王先生係未批牌照前就大肆擴軍,導致今天要大幅裁員的局面。為甚麼批就公義唔批就唔公義?他成功利用群眾煽情想迫政府就犯,但他當初行這一步時有想過相信他的員工的後果嗎?我看到我同期訓練班的同學仔、昔日的隊友,320名的同行被裁難道我不痛心嗎?」

comments