紫盈BB懶理直髮傳統 劈炮前施「髮」術

紫盈BB懶理直髮傳統 劈炮前施「髮」術

By:

星期二, 十月 1st, 2013

無綫新聞部早前嘅《金枝慾孽》現實版明爭暗鬥,搞到「淚的小花」黃紫盈要向無綫請辭,被商營公司高薪挖角轉行做公關。

噚晚紫盈BB喺《深宵新聞報道》到報新聞,紫盈BB突然放棄咗一個陪伴佢三年嘅「七三界直髮」,換嚟一頭曲髮,令人耳目一新,觀眾評語有彈有讚,其實曲髮有曲髮好睇,可能大家睇慣咗佢長直髮,一時間未能接受到呢個新Look。

但係紫盈BB呢頭曲髮,令大家留意到一樣嘢,就係之前一直都冇乜女主播係曲髮示人,個個都係直髮,好似新聞小花藍可盈、周嘉儀同黃德藍咁,一係清爽短髮,一係就長直髮,又真係冇人好似紫盈BB咁,炮製呢個曲髮造型啵。

唔知係咪喺無綫做新聞主播係唔可以曲髮,咁點解紫盈BB又會係曲髮呢?有網民認為係因為紫盈BB已經劈炮唔撈,所以唔理無綫點話佢。

其實曲髮直髮都冇乜所謂啦,端莊整齊咪得囉,髮型多變都冇咁悶嘛。

comments