索腿天后陳敏之 low cut擺S形甫 表情勁得 !

索腿天后陳敏之 low cut擺S形甫 表情勁得 !

By:

星期一, 十月 14th, 2013

佘詩曼、陳敏之同埋森美今日喺九龍灣街頭拍2014無綫節目巡禮劇集《使徒行者》,陳敏之扮到靚靚、著住條low cut晚裝,大騷長腿,森美同阿佘亦執到正,現場仲出動林寶堅尼,吸引唔少途人圍觀。今日阿佘終於轉髮型,唔再係之前個爆炸頭,靚晒。

阿佘話呢個劇都應該接咗,但今朝啱啱先傾個故仔,角色唔可以講住,會同靚仔林峯同埋三哥苗僑偉有對手戲,佢話重返無綫,感覺會溫暖啲,話晒之前喺公司十幾年、湯水都多啲。

講到之前有報道話阿佘同個六呎高壁畫師疑似拖手,佢話因為屋企裝修,需要畫九條魚,就搵咗佢幫手,阿佘又否認拖手:「因為買咗好多畫架,佢幫我拎上車,之後俾番車匙我,就係嗰一吓。」問佢有冇機會發展?阿佘話暫時唔會,因為佢要好努力幫手畫畫。

陳敏之話對上一次同阿佘合作係《公主嫁到》,佢話好欣賞阿佘,如果有好多對手戲就好喇。

comments