王菲再開腔:婚是我要離的

王菲再開腔:婚是我要離的

By:

星期三, 九月 18th, 2013

王菲同李亞鵬上周五離婚,王菲喺微博留言:「這一世,夫妻緣盡至此﹗」正式結束菲鵬八年夫妻情。

離婚既成事實,王菲當日喺烏魯木齊辦妥離婚手續後,漏夜返抵北京,佢當時戴住口罩,雙眼通紅,表現傷感。

而菲鵬離婚後,傳聞就滿天飛,有傳李亞鵬花心﹑又傳阿菲同奶奶唔啱Key﹑近日更有指菲鵬因為錢銀問題,致令婚姻現裂痕。

今日有報道指喺2009年,李亞鵬因搞製作公司及夜店蝕大錢,而佢見到王菲兩年前復出後,即勁賺超過兩億元,就再叫阿菲揼本一億投資,搞地產生意。

王菲返京後,連日來都冇蒲頭,僅喺微博轉發留言同比Like,不過今午王菲再度更新微博,就近日傳聞逐一回應,佢強調離婚同第三者無關,仲表示係和平分手,以及感謝前夫李亞鵬理智包容,王菲話:「婚是我要離的,沒有第三者,沒有婆媳不和,不牽扯財務問題,不是悲劇狗血劇,和平分手,換一種方式相處,對孩子來說,我們仍然是一家人,謝謝@一号立井(即李亞鵬)用愛和理智包容這一切,感恩 p.s支持@嫣然天使基金不會停(心心符號)內什麼,不會出家。」

comments