王維基迫到ATV都要變! 宣佈開新劇 減少無限loop

王維基迫到ATV都要變! 宣佈開新劇 減少無限loop

By:

星期六, 十月 26th, 2013

因為王維基嘅香港電視話俾大家知,好嘅製作同台前幕後,係有嘅!有心捧場睇香港電視節目嘅觀眾,亦大有人在。欠缺的,是有心人。噚晚無綫高層梁乃鵬公開表示要大改革,包括四大綱領,就係1.要令藝員受到尊重;2.要有合理工作時間;3.薪酬要合理同4.要有足夠演出機會。充滿溫情……把口係咁講。

就連背後有條大口喉,根本唔需要靠廣告得食嘅亞視,依家都話改革喇。包括:
1.拍劇。不過係翻拍經典劇集《天蠶變》全新版。
2.減少節目重播,換言之,《把酒當歌》同《微播天下》呢啲0收視節目,唔會再無限loop。

所以你話,冇競爭,又點會有進步呢?不過,聽完以下所謂改革,無非都係……舊瓶舊酒,但好過唔改。

今日亞視喺灣仔舉行《ATV全新概念‧為您而變》活動,一眾藝員包括朱慧珊、筱靖、蔡國威、顏子菲到場支持,而大會更安排八位穿上三點式模特兒撐場,亞視高級副總裁葉家寶表示,2014年亞視將開拍至少三套劇集及綜藝節目,當中包括翻拍經典劇集《天蠶變》、深夜節目《活色生香》婦女節目《閒情誌》等,而朱慧珊坦言剛與亞視重新簽約一年,酬勞方面則不便透露。

被問到市民投訴亞視不斷重播舊劇集,葉家寶話:「原本因應香港人生活既節奏,點知發覺大家唔接受,所以會減少重播次數。」此外,亞視執行董事雷競斌今日亦有出席,但未知是否擔心被問到發牌事件故未有接受訪問。

comments