爆圈中人床上趣聞 但禁開名 卓韻芝:要保護證人組

爆圈中人床上趣聞 但禁開名 卓韻芝:要保護證人組

By:

星期二, 十月 22nd, 2013

近期「哈哈」呢個字眼,好似成為大家拎嚟笑嘅話題,卓韻芝咁啱又喺聖誕節舉行棟篤笑用嚟做騷名,叫做《床上哈哈笑One Night Stand》,實行喺騷上大爆床上趣聞,今日佢著住睡袍現身灣仔記招,仲搵嚟0靚模Hazel著埋性感睡衣作預演。

卓韻芝透露已經聽聽埋埋唔少圈內圈外床上趣聞,問到會唔會開名講?佢話:「應該唔會開名,開名就唔講得,因為題材敏感,要『保護證人組』,除非問准當事人話講得就講。多多少少都有自己故事,人人有份。」

卓韻芝又鼓勵大家著睡衣入場,又可以帶埋床上用品同情侶拍拖入場。今次佢希望可以周圍巡迴,心目中想去廣州或澳州等地。講到大陸禁敏感題材,到時會唔會修改敏感部份,爭取較大機會獲批文?佢話:「有時重演開騷我都會改內容,會睇番當時話題心情去改動,不過都會堅守創作性。」

comments