無綫下「禁拍拖令」 鄭俊弘唔認女友姜麗文 秦沛嬲到震

無綫下「禁拍拖令」 鄭俊弘唔認女友姜麗文 秦沛嬲到震

By:

星期一, 十月 21st, 2013

鄭俊弘(Fred)憑住《星夢傳奇》名利雙收,無綫將開設唱片部,有意力捧Fred成為首簽約歌手。

雖然事業有起色,但感情方面就現暗湧,今日有報道話Fred成為無綫新寵後,公司對佢百般呵護,除咗幫佢推劇唔演奸角外,仲落咗「禁拍拖令」,但Fred同秦沛乖女姜麗文傳拍拖,咁點算呢?

報道就話Fred紅咗後,唔認姜麗文,就算有指佢兩個同居,Fred都係否認,仲強調係同媽咪同居,不過鄭媽媽返咗加拿大喎,Fred就改口話一個人住。該報道又訪問咗Fred媽,不過Fred就話唔知邊個係姜麗文,仲話囝囝冇拍拖。

咁姜麗文爹哋,即係秦沛又點呢?報道引述有知情人士就話秦沛嬲到震,仲話秦沛好錫個女,兼當正Fred係半邊仔,不過0依家Fred紅咗就唔認女朋友,仲要扮單身冇拍拖,秦沛覺得無綫好霸道,又覺得Fred對唔住個女。

唔知Fred同姜麗文點收科呢?

comments