洪永城同舊愛掟煲唔掟蓋 腳踏3船假愛翠如BB

洪永城同舊愛掟煲唔掟蓋 腳踏3船假愛翠如BB

By:

星期三, 九月 25th, 2013

齊齊由有線過檔TVB嘅洪永城同黃翠如呢一對情侶檔,一直都好受觀眾歡迎,個個都覺得佢哋係拍拖,或好希望佢哋拍拖,而據知洪永城的確係好冧翠如BB,過咗TVB之後,更多得TVB綜藝科總監余詠珊,經常安排佢兩個做節目,洪永城亦即時男友上身,經常搶住照顧翠如BB,而翠如BB都明顯受晒。

不過之前都有好多報道講過洪永城其實好花心,早前佢已經同「翻版應采兒」前女友Emily藕斷絲連,近日佢哋仍然被影到一齊約會,洪更搭住女方膊頭,睇嚟係掟煲唔掟蓋。不過今日有報道話洪永城最新搭上嘅,係曾任鍾舒漫形象指導嘅Bird Tse。

報道話Bird暗戀咗洪永城好耐,Bird知道洪同女友分手之後,就係咁搵男方,仲成日放佢兩個人嘅合照上網,報道又話兩個最後真係撻著咗,最近洪永城仲搬咗去天后,要去探Bird只需5分鐘車程。

事後問到洪永城同前女友嘅關係,佢話:「大家有聯絡,我鍾意呢種關係,大家雖然合拍,但應該唔會復合。」

同前女友可以咁close,依家又疑似腳踏3船,大家覺得佢係open定花弗呢?

comments