江美儀拖肌男 反擊谷胸JC

江美儀拖肌男 反擊谷胸JC

By:

星期四, 十月 17th, 2013


張兆輝同老婆創立嘅美容集團今日喺尖沙嘴舉行記者會,推出最新嘅美容產品系列,張兆輝好友苗僑偉(三哥)、黃日華、鄭則士同埋Jessica C.等撐場,代言人江美儀有男友吳君祥到場支持。

江美儀大晒fit爆身材,仲蹺住半裸型男出場,可惜俾谷胸配火熱紅裙嘅「警鐘胸」Jessica C.搶鏡。

大會安排在場幾位示範幫女士做面膜,三哥顯得雞手鴨腳,佢笑住話:「Jessica一烏低身,閃光燈就係咁閃,我個頭都唔敢望過去。」華哥又幽自己一默話:「依家我好畀心機學,我之後冇咩嘢做,可能轉做美容師。」暗指香港電視未獲發牌。

張兆輝話今次友情價請老友江美儀幫手,講到江美儀個廣告好性感,佢笑話:「唔係好搏啫,都冇乜嘢睇,都係少少事業線,我都有。」江美儀話原本噚日想着件中空衫,但自己冇本錢着,所以拒絕咗,佢又話唔驚JC搶鏡,JC年青貌美,自己就成熟穩重。

comments