歪面情況嚴重 千語BB解釋:戴透明牙箍影響面形

歪面情況嚴重 千語BB解釋:戴透明牙箍影響面形

By:

星期四, 十月 10th, 2013

吳千語今日喺海港城出席萬聖節活動,現場所見千語BB紮起頭髮,歪面情況更為覺眼,好似嚴重咗好多喎,千語BB解釋因為自己又瘦咗,100磅體重對170cm身高係低過標準,佢又話歪面係因為戴透明牙箍所致:「左邊多咗隻牙,用年幾時間箍,影響面形同胃口,最近睇醫生調理,想肥啲。」咁同男友林峯咀嘴咪唔方便囉?千語BB尷尬話又唔係常戴牙箍。

講開林峯,日前佢喺華鼎獎封視帝,咁千語BB有冇同峯峯慶祝先?佢話未有時間食飯慶祝:「有恭喜,戥佢開心,佢入行時間長,係榮譽。」另外,峯峯早前被影到喺千語BB屋企過夜,佢解釋當晚係男友送佢返屋企,咁有冇互到對方屋企過夜呢?佢話私人問題為由拒回應。

comments