欣宜180磅 苟姑娘持續「吹脹」 Big爆170磅

欣宜180磅 苟姑娘持續「吹脹」 Big爆170磅

By:

星期二, 十月 1st, 2013

苟芸慧(苟姑娘)自從同郭富城爆緋聞後人氣急升,經常出席活動吸金,雖然身價三級跳,不過佢體重亦隨同身價暴升,而苟姑娘早前曾表示積極減肥,可惜係越減越肥,連纖體公司都將佢嘅廣告抽起,有指無綫向佢下減肥令。

其實苟姑娘都有努力過,據悉佢已經節食、打拳及睇中醫三管齊下減肥,不過就事與願違,苟姑娘身形持續吹脹,有指苟姑娘體重由今年2月120磅,脹到6月嘅150磅。今日有報道指,苟姑娘體重已突破170磅關口,而欣宜,最新體重係180磅。

前日苟姑娘出席新加坡舉行嘅《星和無綫電視大獎2013》頒獎禮時,其脹爆身形令人嚇一跳,圓碌碌身材仲要着一字膊嘅裙,真係出晒事。雖然話肥係有肥嘅靚,但苟姑娘暴肥原因,今日報道指係同藥物有關——服用過量避孕藥所致。

報道引述「知情者」爆料,指苟姑娘因為年初開始食避孕藥令身形吹脹,而醫生曾同佢講過呢啲係副作用,叫佢用其他避孕方式,不過苟姑娘冇聽勸告,反而仲加重劑量,令荷爾蒙亂晒大籠。報道更指,雖然苟姑娘有睇中醫調理,但仍拒絕停服避孕藥。

通常服用避孕丸,係為咗調節荷爾蒙,既然食到荷爾蒙亂晒,咪同原意背道而馳?而且,要避孕有好多方法,唔一定要堅持服用避孕丸,亦毋須加重劑量。所以,呢單料似乎有啲「不可思議」。而且苟姑娘嗰種肥,似係水腫多啲,同之前傳聞所講,話佢壓力太大致內分泌失調,體內水份去唔到,個身自然就會腫。唯今之計,苟姑娘都係快快對症下藥,放鬆心情啦。



comments