成龍鬆口話疏忽小龍女 吳綺莉提卓林拍拖記得戴「袋」

成龍鬆口話疏忽小龍女 吳綺莉提卓林拍拖記得戴「袋」

By:

星期日, 十一月 3rd, 2013

對「小龍女」吳卓林一直絕口不提嘅成龍,最近竟然喺宣傳新片《警察故事2013》北京發佈會上面,提起小龍女:「(戲中)父親忙於警察工作,結果在生活上疏忽了女兒,導致女兒很叛逆,我想起了我的小龍女,因為我也對她疏忽了很久。」先唔好理佢係咪只係為部戲宣傳,成龍,真係提起小龍女了。

今日有報道就訪問吳綺莉,問到成龍破天荒提起小龍女,佢話:「大家別太敏感,我不會對號入座,他是說電影的劇情吧?」佢繼續話:「我真的一點感覺也沒有,這是很舊的往事,這麼多年了,大家應該向前望。」問到小龍女點睇爸爸成龍,吳綺莉說:「她對他很neutral(中性),不會說很喜歡,也不會恨他。」

再問到如果成龍想見小龍女,吳綺莉會否願意兩人見面呢?佢話:「咁複雜?不會發生的事,我不想作任何假設。」問覺得成龍會否想同小龍女見面,吳說:「我覺得不會!」佢話小龍女已經大個女,如果佢想見,都唔會阻止。

訪問中,吳綺莉話同小龍女無所不談,更試過同小龍女話:「我提醒她,他日拍拖記得戴『袋』(避孕套)!」卓林嘅反應就係好怕醜,不過吳綺莉話呢個係以後一定會發生嘅事。

comments