張家輝撩盧覓雪上床

張家輝撩盧覓雪上床

By:

星期二, 九月 17th, 2013

張家輝同彭于晏主演嘅電影《激戰》,截止噚日,上映32日票房收4,100萬,成績相當之好,電影公司噚晚喺九龍塘搞慶功宴,家輝同彭于晏以及導演林超賢當然有出席,家輝仲開心到飲到面紅紅,有份演出嘅好似盧覓雪及姜皓文都有現身,盧覓雪笑道:「戲中肥婆未食到賤輝,如果有續集,我可唔可以跟佢學解鎖。」家輝聽到,即搞笑回應:「呢啲床上做先得。」

彭于晏坦言話如果票房可以打破《那些年,我們一起追的女孩》嘅約6,100多萬票,做乜嘢都肯,佢又同家輝即場扮咀,真係high到爆。

對於票房,家輝話拍咗廿幾年戲,第一次過4,000萬,唔怪得佢咁開心。係咪想係想票房過《那些年》?不過家輝就好老實話:「但睇走勢未必得,其實未必一定要過,打破自己紀錄都好好。」彭于晏因近年多拍港產片,廣東話進步咗唔少,有指佢講廣東粗口都好流利,彭于晏就詐傻扮懵:「咩呀,唔係。」點知喺側邊嘅家輝玩踢爆兼爆粗:「唉,唔好扮X晒嘢喎。」彭于晏就笑話其實都係跟家輝學0架咋。

comments