寸嘴Barbie喊咁口 拒提新歡花弗史

寸嘴Barbie喊咁口 拒提新歡花弗史

By:

星期四, 十月 24th, 2013


寸嘴Barbie夏尉喻之前俾本報拍到同「酒窩男」夜蒲,但報道出街後新歡即俾人爆料大起底,呢位名叫Jerry嘅新歡原來鍾意溝女,仲向女方傳露骨淫相。

噚晚寸嘴Barbie到中環出席派對,梗係要問吓Jerry花弗史,點知佢突然淚如雨下,明顯唔想回答:「唔講,嗰啲係我朋友,圈外人,唔想涉及朋友影響其他人。」

咁Jerry係咪男朋友?佢亦冇回應,再追問話有好多Jerry嘅爆料,寸嘴Barbie開始雙眼通紅,講到男方成日四處溝女,佢眼濕濕:「唔想講工作以外嘅事。」

會唔會代佢澄清?寸嘴Barbie只係話唔係事實嘅嘢唔會回應。仲有冇同Jerry聯絡?寸嘴Barbie話:「朋友都有聯絡,總之我唔想影響人,希望大家體諒我。」

講完寸嘴Barbie又喊:「畀啲空間我小妹,我資歷淺,可能以前令大家唔滿意,總之只係本人普通社交。」

comments