娜姐篤肌肉猛男 篤到對方有反應

娜姐篤肌肉猛男 篤到對方有反應

By:

星期日, 九月 22nd, 2013

周秀娜噚晚喺旺角出席「生力清啤Fit & Firm終極派對」,現場有多位模特兒穿上沙灘裝現身,女嘅著比堅尼、男嘅赤裸上身。司儀問周秀娜想唔想摸男model結實胸肌?娜姐即伸手試篤,男模亦好合作咁交晒戲。跟住娜姐忽然篤向其下身……男模馬上低頭望自己嘅下身,唔知係睇下自己有冇受傷、定想研究自己係咪有反應?

篤完一輪之後,娜姐笑道:「好結實,呢期好多圈中結實男,杜汶澤都fit咗好多,我都問佢使唔使呀?但我好慨嘆,同佢合作時都未變大隻。」換言之,即係好想篤下阿澤?

娜姐早前被影到與北京億萬富二代董路公然又攬又拖手,但原來對方是已婚男,娜姐解釋:「只係禮貌goodbye kiss,做朋友唔睇人背景,而係睇性格同品格。做朋友ok,可以約出嚟做吓運動,發展就要用時間去睇。」娜姐又話今日會去北京工作,問可會抽時間與對方見面?佢話:「有時間都會。」之前娜姐送咗盒半島酒店月餅送畀對方,唔知好唔好味呢?

comments