娜姐睇戲玩手機 戲院CEO:唔道歉唔俾入

娜姐睇戲玩手機 戲院CEO:唔道歉唔俾入

By:

星期四, 十月 17th, 2013

如果你睇緊戲,附近嘅觀眾喺度傾電話、玩WhatsApp,你會點?有時真係好想叫佢收聲o架。
美國天后麥當娜就因為玩電話,最近俾美國連鎖戲院「Alamo Drafthouse」CEO—Tim League喺Twitter公告,話如果娜姐唔向廣大影迷道歉,以後都唔使指意入佢地嘅連鎖影院睇戲呀。
咁大件事,咪因為娜姐日前以嘉賓身份出席紐約電影節,喺佢地戲院欣賞緊電視期間,不停用電話發短訊,有影迷想勸佢唔好咁,點知佢居然板起塊面話:「呢啲訊息關乎大買賣啊!」
其實呢間連鎖戲院向來都嚴禁觀眾喺戲院用電話同大聲傾計,不過估唔到嘅係,無論你係普通市民定天后,佢嘅態度都係咁強硬。今次真係天后都冇面俾呀!

comments