妍希一個月瘦13磅 小籠包變返小龍女

妍希一個月瘦13磅 小籠包變返小龍女

By:

星期三, 九月 18th, 2013

近日陳妍希係內地劇《神鵰俠侶》入面扮小龍女,其造型惹爭議,有網民覺得佢身形偏胖,尤其俏面有Baby fat,加上欠缺小龍女氣質,結果被改叫「小籠包」。

雖然造型被批評,但妍希並無灰心,仲話的起心肝減肥,呈現一個不一樣的小龍女俾咁多位觀眾。

而噚晚妍希貼咗張自拍照,仲自爆瘦咗唔少,佢話:「我一個月瘦了十斤,但這不是重點,重點是我吃的超健康。人果然還是需要健康的食物!!!」

十斤大約有13磅左右,成績都算唔錯喎。睇返張相,妍希雖然下巴尖咗唔少,但係包包面就好似冇咩變化咁喎。

不過妍希話瘦咗唔係重點,重點係佢食得好健康,睇嚟妍希都唔係好介意網民話佢肥喎。

另外,《神鵰》女角逐漸出籠,有網民將呢班女角同「小籠包」比較。好多網民睇過其他女角之後,都讚女角好靚,甚至有網民話連:「孫婆婆都靚過小龍女!」妍希由小龍女變「小籠包」,0依家仲降呢變埋綠葉。

而導演王晶今晨亦加把嘴,佢抵死咁話:「如果我是楊過,我會娶郭芙,找陸無雙當小三,然後請小龍女替我帶孩子。 」

comments