奀妹公園打野戰 前夫嬲爆 入稟爭囝囝撫養權

奀妹公園打野戰 前夫嬲爆 入稟爭囝囝撫養權

By:

星期二, 十月 22nd, 2013

多年前同周星馳拍過啤酒廣告、一戰成名嘅台灣女星「奀妹」傅天穎,今年7月被發現同緋聞男朋友全權喺新北市公園內打野戰,目擊者話見到兩人激情熱吻到「嘴唇腫脹破皮滲血」,傅天穎更大喊:「不要強姦我!」令人以為當時發生強姦案。雖然兩人矢口否認,但地檢署偵辦後,就確認當時兩人確實係發生關係,本月2日以公然猥褻罪將兩人起訴。

今年33歲嘅奀妹,今年5月先至同陳子強離婚、結束5年婚姻,依家爆咗單咁嘅醜聞出嚟,令人關注囝囝小天子嘅監護權會否生變化。兩人離婚後,已多次就兒子監護權打官司,原先對方接受由傅天穎擔任囝囝嘅主要照顧者,並共同享有監護權,但自從發生公園「野戰」事件後,情況有變,根據台灣傳媒報道,陳子強已於噚日向法院要求單獨監護權,更提出照顧囝囝嘅具體計劃,態度堅決。

不過噚日開庭嗰陣,傅天穎再度缺席。陳子強向法官提出具體嘅照顧囝囝計劃,話希望囝囝可以喺非常正常嘅環境下長大,並透露會盡可能唔俾囝囝嘅生活有太大變動。陳子強謂,家人可以協助照顧,佢亦可以請全職保母幫手,盡量唔俾囝囝生活有太大變動,亦可以俾佢喺原學校就讀,不必轉學重新適應。

換言之,如果今次官判囝囝跟爸爸生活,咁媽媽傅天穎可以再取得撫養權機會極微。

comments