大S宣佈造人成功

大S宣佈造人成功

By:

星期六, 十月 5th, 2013

小S徐熙娣最近頭頭碰着黑,之前老公許雅鈞有份的麵包店涉嫌用香精之外,近日麵包店嘅母公司又被揭發同商業罪案有關,身為母公司股東嘅小S老公許雅鈞及其老爺許慶祥都要接受警方調查。件事哄動台灣全城之後小S一直冇現身,避開傳媒採訪。

未知係上天安排喜事沖喜,定係其他原因喇,噚日小S姐姐大S徐熙媛接受台灣傳媒訪問時,忽然宣佈同老公汪小菲苦戰多時、終於造人成功喇!但問佢懷孕幾多個月?大S就話懷孕係未經醫生證實,甚至連驗孕棒都冇用。大S話:「月經沒來,但對自己有信心,過幾日就會去睇醫生證實。」

大S仲話懷孕事件仲未同老公同奶奶報喜,但就先同傳媒講咗先,難免令人懷疑大S此舉係想用懷孕嘅消息、轉移傳媒追訪小S嘅視線。其實都咪話冇可能,因為大S好錫小S,之前仲用小S手機短訊向傳媒為許雅鈞父子說好話,仲喺訪問到話:「小S已經是3個孩子的媽媽,可以堅強面對這場風波,外界對Mike(許雅鈞)也有一定了解,我心痛的是不善言辭的爸爸(指許爸)。」之後就透露造人成功,時間真係啱啱好。唔怪得大家會懷疑係轉移視線。

comments