周麗淇認同富二代男友撻著: 好開心好開心

周麗淇認同富二代男友撻著: 好開心好開心

By:

星期日, 九月 29th, 2013

周麗淇(Niki)幾個月前已經傳出因為喺內地拍《大漢賢后衛子夫》,而同內地小生徐正曦撻著,不過當時Niki死口唔認,似乎驚戀情見光死。

不過早兩日,Niki同徐正曦拖手斷正,更加喺上海酒店齊齊過夜,今次真係唔輪到Niki唔認,所以今日有報道話,噚日Niki喺內地機場飛去新加坡,見到記者佢都大方承認同徐正曦蜜運中,佢話:「好開心,好開心,多謝大家關心我的感情事,希望今次好好地去過一個正常的拍拖生活。」

報道話Niki覺得徐正曦份人好乖仔,又冇不良嗜好,處事成熟又有上進心,傾傾吓仲發現大家都鍾意宇宙同UFO話題。據知徐正曦初期覺得同Niki好傾都冇追求,都係考慮到對方年紀,34歲嘅Niki年紀唔細,佢覺得做男方責任好大唔可以玩玩吓,要以結婚為前提交往,最後佢覺得搵到個有感覺嘅人唔容易,所以就決心追求。

28歲嘅徐正曦被譽為「黃曉明接班人」,去年更勁賺2000萬人仔,佢老竇係內地政府官員,家族搞五金生意身家逾億,絕對係富二代筍盤。

而Niki公佈戀情之後,似乎心情都極佳,今朝早喺微博po玩貓相話:「Good morning! Have a nice day!」

comments