千嬅自爆 險錯失上台攞影后機會

千嬅自爆 險錯失上台攞影后機會

By:

星期三, 十月 23rd, 2013


楊千嬅喺2013年憑住《春嬌與志明》首奪香港電影金像獎最佳女主角,而聽晚嗰集就輪到佢接受黎芷珊主持嘅《最佳女主角》訪問。

千嬅分享令自己演技上有最大改變嘅人,佢就係導演羅永昌,因為喺拍攝《天生一對》及《每當變幻時》之前嘅導演,都只係叫佢做返自己,所以喺早期嘅電影《乾柴烈火》、《新紮師妹》同《玉女添丁》入面,畀人感覺好「楊千嬅」。

楊千嬅同老公丁子高喺一對姊弟戀,而喺《志明與春嬌》入面,佢同余文樂都係演姊弟戀。

芷珊就問佢係唔係咁樣,所以有助佢拍《春嬌與志明》而成功奪得最佳女主角?千嬅就話:「搵咗啱嘅人,將自己嘅感覺放入套戲,而觀眾又剛剛對號入座。」

節目內更會講到,原來楊千嬅喺拎最佳女主角嗰晚,原來有諗過缺席,因為佢話嗰日係佢做完手術後第七日,仲話佢知自己攞獎嗰一刻,腦袋真係一片漆黑。節目內亦大談老公丁子高嘅鼓勵同包容,以及同兒子Torres嘅相處趣事。

comments